Գլխավոր էջ »
2013 »
Հուլիս »
11 » Սարդ-մարդը կարող է փոխել սեռական կողմնորոշումը
20:38 Սարդ-մարդը կարող է փոխել սեռական կողմնորոշումը |
29-ամյա բրիտանական դերասան Էնդրյու Գարֆիլդը, ով «Նոր Սարդ-մարդը» ֆիլմում մարմնավորել է գլխավոր հերոսին, նրա համար նոր կերպար է առաջարկել: Ըստ Hitfix.com-ի, Պիտեր Պարկերին մարմնավորած դերասանը խորհուրդ է տալիս սուպերհերոսին միասեռական դարձնել: «Ինչո՞ւ չենթադրենք, որ Պիտեր Պարկերը փորձեր է կատարում սեռական կողմնորոշման հարցում: Այդ արդեն ոչ ոքի չի ապշեցնում: Ինչո՞ւ նա միասեռական չդառնա: Նախապես ես սա կատակով էի ասում, բայց ինչո՞ւ չենթադրել նման բան»,- հայտարարել է Գարֆիլդը՝ նշելով, որ այս գաղափարն արդեն հայտնել է պրոդյուսեր Մեթ Տոլմաքի հետ զրույցի ժամանակ: Ավելին, Գարֆիլդը նույնիսկ պատկերացնում է, թե ով է խաղալու Պիտեր Պարկերի զուգընկերոջ դերում: Նրա կարծիքով, այդ դերում կարող էր հանդես գալ Մայքլ Բ.Ջորդանը: «Նրա մասնակցությամբ նույնիսկ ավելի լավ կստացվեր. այդ դեպքում ֆիլմում կունենայինք միջռասսայական հարաբերություններ»,- հայտարարել է դերասանը (Ջորդանն աֆրոամերիկացի է): Գարֆիլդը զարգացման նման հնարավորությունը քննարկել է նաեւ ռեժիսոր Մարկ Ուեբի հետ, ով աշխատում է «Նոր Սարդ-մարդը» ֆիլմի երկրորդ մասի ուղղությամբ: Այն նախատեսվում է թողարկել 2014 թվականի գարնանը:
|
Դիտումներ: 461 |
Ավելացրեց: admin
| - Վարկանիշ -: 0.0/0 |
Մեկնաբանություններն ընդամենը՝: 0 | |
|
|
|