Գլխավոր էջ »
2013 »
Հուլիս »
12 » Կամենց Պոդոլսկի հայկական Աստվածամոր սրբապատկերը ցուցադրվում է Տարաս Շեւչենկոյի թանգարանում
12:49 Կամենց Պոդոլսկի հայկական Աստվածամոր սրբապատկերը ցուցադրվում է Տարաս Շեւչենկոյի թանգարանում |
Ուկրաինահայերի հոգեւոր ժառանգության ամենահայտնի նմուշներից Կամենց Պոդոլսկի հայկական Աստվածամոր հրաշագործ սրբապատկերը ցուցադրվում է Տարաս Շեւչենկոյի Ազգային թանգարանում՝ Ուկրաինայի ազգային եւ համաշխարհային թանգարանային հավաքածուի գլուխգործոցների շարքում: Այդ մասին Analitika.at.ua-ին հայտնել են ցուցահանդեսի կազմակերպիչները: Ցուցահանդեսը Ուկրաինայի մշակութային կյանքում բացառիկ երեւույթ է, քանի որ ներկայացնում է Ուկրաինայի թանգարանային հավաքածուի ազգային եւ համաշխարհային ձեռքբերումների գլուխգործոցները: Ցուցահանդեսը կտեւի մինչեւ 2013թ. հոկտեմբերի 4-ը: Ավելի վաղ հաղորդվել էր, որ Կամենց Պոդոլսկի հայկական Աստվածամոր սրբապատկերը, որը անցյալ դարի 20-ական թթ. եւ մինչ վերջերս կորսված էր համարվում, 2011թ. հայտնաբերվել էր մասնագետների կողմից, իսկ 2012թ. հունիսի 27-ին Բոգդան եւ Վարվարա Հանենկոների անվան Արվեստների ազգային թանգարանում տեղի էր ունեցել սրբապատկերի շնորհանդեսը: Հայտնի է, որ հայկական Աստվածամոր սրբապատկերը մեծարել են բոլոր երեք քաղաքների քրիստոնյա ծիսակատարությունների հավատացյալները՝ հայերը, լեհերը եւ ուկրաինացիները: Այն դարավոր պատմություն ունի:
|
Դիտումներ: 370 |
Ավելացրեց: admin
| - Վարկանիշ -: 0.0/0 |
Մեկնաբանություններն ընդամենը՝: 0 | |
|
|
|