Գլխավոր էջ »
2013 »
Հուլիս »
10 » Apple-ը ներկայացրել է իր նոր iOS 7 բջջային օպերացիոն համակարգը
23:01 Apple-ը ներկայացրել է իր նոր iOS 7 բջջային օպերացիոն համակարգը |
Երկուշաբթի օրը ԱՄՆ Սան Ֆրանցիսկոյում մեկնարկած ամենամյա World Wide Developer համաժողովի ժամանակ Apple ընկերությունը ներկայացրել է իր նոր բջջային օպերացիոն համակարգը՝ iOS 7-ը: iOS 7-ում փոխված են օպերացիոն համակարգի արտաքին տեսքը. հավելվածների կոճակների ձևավորումը, փոփոխության են ենթարկվել նաև տառատեսակն ու գունային հետաշերտերը: «Եղանակ» հավելվածում հայտնվել է անիմացիա, վերամշակվել են «Օրացույց», «Հաղորդագրություն», «Խաղային կենտրոն» և այլ հավելվածները:
Թարմացվել է Safari դիտարկիչը. նրանում հայտնվել են «ծնողական վերահսկողության» ծրագրերը և «խելացի որոնման» դաշտը: Այդ օպերացիոն համակարգի հիման վրա աշխատող սարքերը կաջակցեն AirDrop տեխնոլոգիան, որը տալիս է Wi-Fi-ի միջոցով ֆայլերի անլար փոխանակման հնարավորություն: Siri ձայնային օգնականը կարողանում է խոսել նոր ձայներով և ինտեգրվել է առցանց հանրագիտարանին, սոցիալական ցանցերին և որոնողական համակարգերին: Apple-ը ներկայացրել է նաև iTunes Radio-ն: Ընկերությունն արդեն պայմանագրեր է ստորագրել Sony-ի, Universal-ի և Warner Music-ի հետ: Եվ չնայած երաժշտությունը կհնչի իրական ժամանակում, ծառայությունը թույլ կտա կրկին լսել երգը և գնել այն կոճակի մեկ սեղմումով:
|
Դիտումներ: 370 |
Ավելացրեց: admin
| - Վարկանիշ -: 0.0/0 |
Մեկնաբանություններն ընդամենը՝: 0 | |
|
|
|