Բիզնես սկսելն անիրական երազանք չէ և ոչ էլ վիճակված է միայն ընտրյալներին: Հաջողակ բիզնեսմեններն իրենց հաջողություններն ավելի գունեղ դարձնելու համար երբեմն ասքեր են հյուսում իրենց գործողությունների մասին, այնպես որ, մենք սկսում ենք մտածել` նրանք գերբնական ուժ ունեն: Իրականում բիզնես սկսողներն ու բիզնեսում հաջողակներն էլ ունեն ընդհանուր բանաձևեր. նրանք ունեն բնավորության որոշակի գծեր և որոշակի կողմնորոշումներ:
Cosmo-ն վստահ է, որ դու սկզբունքային և նպատակասլաց ես, ուրեմն` արի միասին սկսենք քո բիզնես գաղափարի փնտրտուքը...
Բիզնես սկսելուց առաջ...
Բիզնեսը հնարավորություն կտա քեզ իրականություն դարձնել գաղափարներդ, ազատություն տալ երևակայությանդ: Դու միշտ երազել ես ազատ լինել քո որոշումներում, աշխատել լավ թիմով և սեփական չափանիշներով քեզ գործընկերներ ընտրել, աշխատել այնքան ժամանակ, ինչքան սիրտդ է ուզում և հնարավորություններդ են ներում: Իսկ ա՛յ, ուշ զարթնելու համար դու պատրաստ ես անել անգամ ԱՎԵԼԻՆ...
Շուտափույթ որոշումներ մի՛ ընդունիր բիզնես սկսելուց առաջ, դու պետք է մի լավ ծանրութեթև անես: Նախ` սկզբում հասկացիր, թե ինչն է քեզ դուր գալիս, ինչով առանց հոգնելու կարող ես զբաղվել մի ամբողջ օր: Մտածի՛ր այնպիսի բիզնեսի մասին, որը կհամապաստասխանի քո հնարավորություններին, քո բնավորությանն ու ապրելակերպին, և ամենակարևորը` հաճույք կպատճառի քեզ:
Բիզնես տարբերակներ...
cosmo աղջկա համար իդեալական բիզնես տարբերակ է փոքրիկ գեղեցկության սրահ բացելը, որտեղ հնարավոր կլինի հաճելին և օգտակարը համատեղել: Դու ամեն օր կլինես և՛ խնամված, և՛ գումարներ կաշխատես: Միգուցե դու ունես գեղեցկության քո գաղտնիքները, որոնք ոչ մեկի մոտ չես հանդիպել. ինչո՞ւ դրանք չվաճառել:
Եթե սիրում ես ծաղիկներ, հատկապես ձևավորել դրանք և ունես խենթ երևակայություն, ուրեմն ծաղկի սրահ բացելը տեղին կլինի հենց քո համար: Սրահի արտասովոր անվանումն ու դիզայնը, քո չկրկնվող և խենթ երևակայությամբ ձևավորվող ծաղիկները կարող են կայուն եկամուտներ ապահովել:
Արդեն հոգնել ես անիմաստ ժամանակ ծախսել համացացում, մտածում ես` ինչ բիզնես գաղափար է պետք, որն իրագործելի լինի համացանցի տիրույթում. ահա թե ինչ է քեզ առաջարկում մասնագետը՝ բացիր քո կայքը, որտեղ կգրես, թե ինչ օծանելիք ես դու օգտագործում, ինչ զարդեր ես կրում, որտեղից ես հագուստ գնում: Համոզված եղի՛ր, որ կգտնվեն քեզ պես շատ աղջիկներ, որոնց դա կհետաքրքրի: Նրանք կդառնան քո մշտական այցելուները: Հետո կսկսես քո կայքում զարդեր վաճառել, շարֆեր կամ օծանելիք:
Միշտ էլ լեզուների տիրապետելը դիտվել է որպես առավելություն: Եթե դու մի քանի լեզուների ես սահուն տիրապետում, ապա հիմնիր լեզուների քո ուսումնական կենտրոնը և դասընթացներ կազմակերպիր:
Սիրո՞ւմ ես գրականությունը, պոեզիան քո աշխարհն է, ուրեմն կարող ես փոքրիկ գրախանութ հիմնել, սկբզում վաճառել քո և ընկերներիդ գրքերը: Հետո, երբ արդեն որոշակի գումարներ կաշխատես, կարող ես այլ հեղինակների ևս ներգրավել քո գրադարանային գործունեության մեջ:
Մի քիչ ավելի էքստրիմալ բիզնեսներ...
Գեղեցիկ ձայն ունես և ամեն պահ հազարատներդ ու ընկերներդ հիշեցնում են դա քեզ, իսկ երբևէ մտածե՞լ ես աուդիոգրքեր ձայնագրել և վաճառել:
Քո սենյակում բազում նկարներ կան, դպրոցական տարիներին դու էիր նկարազարդում դպրոցի միջոցառումների պաստառները: Գուցե մտածես նաև ամսագրերի համար կոմիքսներ նկարելու մասին: Ա~յ, քեզ հետաքրքիր զբաղմունք:
Եթե գեղեցիկ և խենթ ընկերուհիներ ունես, ավոտլվացման կետ բացիր, որտեղ բոլոր աշխատողները աղջիկներ կլինեն...
Բիզնես տարբերակները կարող են շատ լինել, սակայն, մինչև այն սկսելը գնահատիր քո հնարավորություններն ու արտաքին ռիսկերը, ուսումնասիրի՛ տվյալ բիզնեսի հայաստանյան և արտասահմանյան շուկան:
ՀԳ - Հիշի՛ր, բիզնես սկելու համար վճռականություն է պետք, ուժերի գերլարում, նորարար և խենթ լինելու զգացողություն: Հաջողությո՛ւն ձեր նորաթուխ բիզնեսին...